„Det jeg er mest bange for er ,,sjælensomhed“...“ Saga erlendrar konu á Íslandi

Greinargerð þessi er hluti af meistaraverkefni mínu í Hagnýtri menningarmiðlun við Háskóla Íslands. Verkefnið er tvíþætt, en samhliða þessari greinargerð vann ég einnig útvarpsþátt. Viðfangsefni mitt er saga erlendrar konu (föðurömmu minnar) sem fluttist til Íslands um miðja síðustu öld. Í verkefninu verður rætt um það þegar ólíkir menningarheimar mætast og það tengt aðstæðum í íslensku samfélagi þegar sterk þjóðerniskennd og fordómar gangvart útlendingum voru algengir. Spurt verður: Hvernig var staða þessara kvenna í íslensku samfélagi og hvers konar fordómar birtust í garð þeirra? Samhliða er sett fram sú spurning hvort greina megi svipaða stöðu hjá erlendum konum hérlendis í samtímanum. Glíma þær við svipuð vandamál? Einnig verður fjallað um hvernig nýta megi persónulegar heimildir þegar fjallað er um líf einstaklinga.